ߊ߬ ߕߍ߫ ߡߍ߲߫ ߡߎ߬ߕߎ߲߬ ߞߊߞߊ߫ ߛߍ߲ߓߊ ߘߌ߫ ߓߊ߫ߙߊ ߘߊߡߌ߬ߣߊ߫߸ ߞߊߞߊ߫ ߛߍ߲ߓߊ ߣߌ߲߬ ߦߋ߫ ߛߍ߲ߓߊ߫ ߟߋ߬ ߘߌ߫ ߞߐ߰ߦߊ߫ ߛߏ߫ ߞߐߡߊ߬߸ ߡߍ߲ ߖߐ߬ߘߐ ߕߘߍ߬ ߓߘߊ߫ ߥߊ߬ߙߊ߫߸ ߞߵߊ߬ ߞߎ߲߭ ߞߴߊ߬ ߘߌ߫߸ ߞߊߞߊ߫ ߛߍ߲ ߢߌ߲߬ ߦߋ߫ ߛߍ߲߫ ߞߘߐߓߊ߫ ߟߋ߬ ߘߌ߫߸ ߓߊߏ߬ ߊ߬ ߟߊߣߍ߲߫ ߞߊ߬ߦߌ߯ ߕߎ߬ߓߊ߬ߓߎ߬ ߕߟߋ ߟߋ߬ ߘߐ߫߸ ߣߌߔߐ߲߫ ߞߎ߬ߣߊ߬ߛߌ߮ ߟߋ߬ ߟߐ߬ߣߍ߲߫ ߊ߬ ߖߐ߰ߣߍ߬ߦߊ߬ ߣߴߊ߬ ߓߊ߯ߙߊ ߟߊ߫߸ ߊ߬ ߞߐߓߋ ߦߋ߫ ߜߟߊ߬ߜߟߊ߫ ߁߃߀ ߟߋ߬ ߘߌ߫߸ ߊ߬ ߞߣߐ ߦߋ߫ ߜߟߊ߬ߜߟߊ߫ ߁߂ ߘߌ߫߸ߦߊ߲߬ ߣߌ߫ ߖߌ߬ߦߊ߬ ߘߏ߫ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬
ߞߊߞߊ߫ ߛߍ߲ ߢߌ߲߬ ߠߋ߬ ߦߋ߫ ߞߐߣߊߞߙߌ߫ ߣߌ߫ ߖߡߊ߬ߣߊ ߞߣߐߟߊ ߕߐ߭ ߓߌ߬ߟߊ߬ ߟߊ߫ ߢߐ߲߮ ߡߊ߬߸ ߊ߬ ߓߊ߯ߙߊ ߕߘߍ߬ ߓߘߊ߫ ߟߊߣߐ߯ ߞߏߛߓߍ߫߸ ߞߵߏ߬ ߞߎ߲߭ ߞߍ߫ ߛߊߦߌߘߊ߲ߜߊ ߘߌ߫߸ ߊ߬ ߖߍ߬ߘߍ ߟߊߟߐ߬ ߘߊ߫ ߟߋ߬ ߞߎ߲߬ߕߊ߮ ߏ߬ ߞߘߐ߫. ߞߐߣߊߞߙߌ߫ ߝߐ߰ߓߍ߬ߦߊ߬ߟߊ ߟߎ߬ ߟߋ߬ ߕߊ߯ߣߍ߲߫ ߓߎ߲ߘߍ߮ ߘߏ߫ ߟߊ߫ ߣߌߔߐ߲߫ ߟߊ߬ߛߌ߰ߘߊ ߟߊ߫߸ ߘߐ߲ߞߊ ߞߌ߲߭ ߠߊ߫߸ ߊ߬ߟߎ߬ ߞߊ߬ ߢߌ߬ߣߌ߲߬ߞߊ߬ߟߌ ߟߎ߬ ߞߍ߫ ߤߌߛߊߣߏߓߎ߫ ߤߛߊߡߊ߫ ߞߎ߲߬߸ ߞߵߊ߬ ߓߍ߲߬ ߞߊߞߊ ߛߍ߲ߓߊ ߢߌ߲߬ ߓߊ߲߫ ߕߎߡߊ ߡߊ߬߸ ߊ߬ ߞߵߊ߬ ߦߌ߬ߘߊ߫߸ ߞߴߊ߬ ߓߊ߯ߙߊ ߦߋ߫ ߕߊ߯ ߟߊ߫ ߝߊ߲߬ߞߊ ߖߍ߬ߘߍߖߍ߬ߘߍ ߟߋ߬ ߟߊ߫ ߕߋ߬ߟߋߝߌ߬ߟߊ ߢߌ߲߬ ߘߐ߫߸ ߣߌߔߐ߲߫ ߟߊ߬ߛߌ߰ߘߋ߲ ߤߌߛߊߣߏߓߎ߫ ߞߵߊ߬ ߦߌ߬ߘߊ߫ ߕߎ߲߯: ߞߏ߫ ߞߊߞߊ߫ ߛߍ߲ ߓߊ߯ߙߊ ߟߊߞߎߙߊ߲ ߣߴߊ߬ ߘߊ߲߬ߕߍ߰ߟߌ ߓߍ߯ ߘߌ߫ ߞߍ߫ ߖߌ߬ߣߍ߫ ߞߎ߬ߣߊ߬ߛߌ߮ ߦߋ߫ ߣߍߣߍߓߊ ߞߊߙߏ߫ ߣߊ߬ߕߐ ߟߊ߫. ߞߊߞߊ߫ ߛߍ߲ ߢߌ߲߬ ߓߊ߯ߙߊ߫ ߣߊ߲ߝߟߏ ߓߍ߲߬ߣߍ߲߫ ߘߟߊ߫ ߞߋ߲߬ߥߟߎ߬ ߁߂ ߟߋ߬ ߡߊ߬. ߛߏ߬ߟߏ ߝߙߊ߬ߓߊ-ߘߐ߫ ߛߌ߬ߛߋ߫ ߓߟߏ߫
|